Biełaruś moža pavialičyć pastaŭki sielskahaspadarčaj pradukcyi na rasijski rynak. Pra heta zajaviŭ prezident Rasii Uładzimir Pucin, vystupajučy 8 červienia na trecim Forumie rehijonaŭ Biełarusi i Rasii ŭ Minsku.
Jon adznačyŭ, što pałova ŭsioj ekspartnaj pradukcyi Biełarusi idzie ŭ Rasiju. «Kali zrabić zachady, nieabchodnyja dla zabieśpiačeńnia intaresaŭ ułasnych sielhasvytvorcaŭ, biełaruskija kalehi mohuć jašče bolš pastaŭlać na rasijski rynak. Treba skarystacca siońniašniaj situacyjaj, kab pašyryć svaju vytvorčaść pad patreby rasijskaha rynku», — skazaŭ jon.
Pucin taksama dadaŭ: «Kali my siońnia hetaha nie zrobim, a budziem prapuskać sankcyjnuju pradukcyju, biełaruskim vytvorcam budzie bolš składana asvojvać rasijski rynak».
Pavodle jaho słoŭ, u intaresach abiedźviuch krain, kab na rasijskim rynku byli jabłyki, miasa, małako biełaruskaj vytvorčaści.
