tass.ru
Vajskovy samalot, jaki raźbiŭsia ranicaj 9 červienia ŭ Puškinskim rajonie Padmaskoŭja, uvachodziŭ u skład piłatažnaj hrupy «Ruskija viciazi» VKS Rasii, piłot zahinuŭ.
Pra heta paviedamiła TASS krynica ŭ siłavych strukturach. Surazmoŭca ahienctva ŭdakładniŭ, što źniščalnik piłatavaŭ major Siarhiej Jaromienka.
Infarmacyju pra padzieńnie źniščalnika Su-27 piłatažnaj hrupy «Ruskija viciazi» paćvierdziła i krynica «Interfaksa» ŭ siłavych strukturach.
Pavodle jaho słoŭ, u čaćvier ranicaj piłatažnaja hrupa vykonvała demanstracyjnyja paloty na cyrymonii adkryćcia pomnika avijataram Rasii ŭ pasiołku Ašukina. Pry viartańni na bazu ŭ rajonie vioski Muranava adzin źniščalnik raźbiŭsia, los lotčyka pakul nie viadomy, skazaŭ surazmoŭca ahienctva. Jon dadaŭ, što suviaź z samalotam była zhublena ŭ rajonie 10:40-10:50 za 50 km ad aeradroma Kubinka.