Chakiery ŭkrainskaha kibieraljansa FalconsFlame, Trinity i Ruch8 ŭzłamali karparatyŭny partał rasijskaha prapahandysckaha «Pieršaha kanała».
informnapalm.org
Pra heta paviedamili vałanciory mižnarodnaj supolnaści InformNapalm na svaim sajcie i raskryli detali ŭzłomu. Pa słovach kibieraktyvistaŭ, apieracyja pa ŭzłomie źvionaŭ mašyny rasijskaj prapahandy realizavanaja ŭ ramkach prajekta pa prymusie Rasii da deakupacyi Danbasa i vykanańnia joju abaviazkaŭ pa Minskich pahadnieńniach.
«Kibierataki nakiravanyja vyklučna na tyja elemienty rasijskaj prapahandy, jakija zajmajucca ŭtojvańniem infarmacyi datyčna vajennych złačynstvaŭ RF na terytoryi Ukrainy», — havorycca ŭ paviedamleńni vałancioraŭ.
Dadzienaja apieracyja pačałasia 25 maja, a pieršyja vyniki źjavilisia 5 červienia, i, pa zapeŭnieńni pradstaŭnikoŭ aljansu, budzie doŭžycca roŭna da taho momantu, pakul apošni rasijski vajskoviec nie pakinie ŭkrainskuju ziamlu. U vyniku ŭzłomu byli apublikavanyja ankietnyja dadzienyja ŭsich supracoŭnikaŭ pieršaha kanała.
Akramia taho, źjaviłasia mahčymaść uzłamać asabistyja paštovyja skryni i vobłačnyja schoviščy supracoŭnikaŭ, jakija asabliva vyznačylisia ŭ stvareńni i prasoŭvańni ahresiŭnaj prapahandy ŭ dačynieńni da Ukrainy i jaje hramadzian, pieradajuć chakiery.
