U chodzie antyterarystyčnaj apieracyi, praviedzienaj u Aktabe, zabityja piaciora terarystaŭ, paviedamiŭ Kamitet nacyjanalnaj biaśpieki Kazachstana. Ranieńni atrymali dvoje supracoŭnikaŭ palicyi.
«U vyniku apieratyŭna-vyšukovych mierapryjemstvaŭ było ŭstanoŭlena miescaznachodžańnie terarystaŭ u kvatery žyłoha doma pa vulicy Niakrasava. U chodzie pieramoŭ terarysty admovilisia dobraachvotna zdacca i adkryli ahoń », — havorycca ŭ paviedamleńni Kamiteta nacbiaśpieki.
Čaćviora padazravanych va ŭdziele ŭ napadach ŭ Aktabe byli zabityja ŭ chodzie šturmu kvatery. Ich saŭdzielnik padčas praviadzieńnia apieracyi na skryžavańni vulic Miasajedava i Arynava abstralaŭ patrulny ekipaž, paraniŭšy dvuch palicejskich, i byŭ źniščany adkaz ahniom.
Śpiecapieracyja ŭ Aktobie, pa dadzienych ahienctva «Interfaks-Kazachstan», pačałasia ŭ 03:45 pa miascovym časie. Z rajona praviadzieńnia apieracyi byli evakujavanyja žychary.
