Mietałapierapracoŭčaje pradpryjemstva pad Žłobinam zaśmieciła adchodami les vakoł svajoj terytoryi, paviedamiła pres-sakratar Dziaržaŭnaj inśpiekcyi achovy žyviolnaha i raślinnaha śvietu pry prezidencie Biełarusi Volha Hramovič.
Fota: Dziaržaŭnaja inśpiekcyja achovy žyviolnaha i raślinnaha śvietu pry prezidencie RB
Zvałku adchodaŭ vyjavili dziaržinśpiektary achovy žyviolnaha i raślinnaha śvietu ŭ niekalkich kiłamietrach ad Žłobina. Supracoŭniki pradpryjemstva, raźmieščanaha pobač ź lasnym masivam, vykinuli hory šłaku i šłakabietonu prosta za płot.
Jak vynikaje z tłumačeńniaŭ, kiraŭnictva kampanii spadziavałasia ŭ najbližejšaj budučyni pašyryć jaje miežy i dałučyć prylehłyja ziemli, adnak adpaviednaje rašeńnie vykankamam pakul pryniata nie było.
Za niezakonnaje raźmiaščeńnie adchodaŭ pa-za sankcyjanavanymi miescami, źniščeńnie lasnoha podściłu i žyvoha nadhlebavaha pokryva na terytoryi 587 kv.m pradpryjemstvu vystaŭlena da pakryćcia suma ŭ 986 miljonaŭ rubloŭ. Sabranyja pa spravie materyjały dziaržinśpiektary pieradali ŭ Žłobinski RAUS dla praviadzieńnia pravierki. Ciapier pradpryjemstva ačyščaje zaniatyja adchodami ziemli.
