Prasunutaja razumnaja moładź — vielizarny patencyjał Biełarusi. Pra heta siońnia zajaviŭ Alaksandr Łukašenka, uzhadniajučy pryznačeńni rektaraŭ Viciebskaha dziaržaŭnaha technałahičnaha ŭniviersiteta i Homielskaha dziaržaŭnaha univiersiteta imia Francyska Skaryny.
«Prasunutaja, tałkovaja razumnaja moładź — vielizarny patencyjał Biełarusi», — skazaŭ kiraŭnik dziaržavy. Maładyja ludzi, adznačyŭ Alaksandr Łukašenka, pavinny prynosić karyść krainie.
Źviartajučysia da rektaraŭ VNU, kiraŭnik krainy padkreśliŭ: «Abjekt vašaj dziejnaści taki, što jon nie dazvolić vam adyści ad aktyŭnaj žyćciovaj pazicyi, — heta moładź». Jon pažadaŭ im pośpiechaŭ u pracy.
Jak paviedamlałasia, siońnia Łukašenka daŭ zhodu na pryznačeńnie Andreja Kuźniacova rektaram Viciebskaha dziaržaŭnaha technałahičnaha univiersiteta, Siarhieja Chachomava — rektaram Homielskaha dziaržaŭnaha univiersiteta imia Francyska Skaryny.
