Takija akcyi ładziacca kožny miesiac, 16-ha čysła.
Na Kastryčnickaj płošča sabrałasia 60 čałaviek. Absalutna kožny trymaje ŭ rukach partret palitviaźnia -- Andreja Kima, Alaksandra Kazulina, Siarhieja Parsiukieviča, a taksama partretami źnikłych hramadzkich dziejačaŭ: Viktara Hančara, Anatola Krasoŭskaha, Juryja Zacharanki, Dźmitryja Zavadzkaha.
Adzin z prysutnych trymaje płakat: "Svabodu palitviaźniam". Adna siamja nakleiła na dziciačy vazok partret Siarhieja Parsiukieviča.
U akcyi taksama biaruć udzieł staršynia AHP Anatol Labiedźka, pradprymalnik Aleś Taŭstyka, adzin z kiraŭnikoŭ MF Źmicier Chviedaruk, fihuranty spravy 14-ci: Aleś Čarnyšoŭ i Michaił Paškievič.
Milicejski aficer spačatku vystupiŭ, skazaŭ, kab razychodzilisia, akcyja nie sankcyjanavanaja, maŭlaŭ, i pryhraziŭ užyć siłu. Ale milicyja pakul nie ŭmiešvajecca.
Sami ludzi stajać moŭčki. Nichto nie vystupaje, prosta trymajuć partrety.
18:14 Specnaz absalutna karektna, vyciaśniaje ludziej u bok Pałacu prafsajuzaŭ i dalej pad cyrk. Sutyčak niama, nichto nie supraciŭlajecca.
Niaŭdzielnikaŭ akcyi puskajuć u metro.
18:19 Ludziej viaduć praspektam u bok vulicy Kupały. Adbyvajecca nievialikaja sutyčka z Chviedarukom.
18:20 Dajšli da vulicy Kupały.
18:22 AMAP pieravioŭ ludziej praz darohu. I pašoŭ svajoj darohaj, udzielniki akcyi - svajoj.
Nikoha nie zatrymali.