Eks-dziaržsakratar ZŠA Chiłary Klintan atrymała pieramohu na zaviaršalnym etapie prajmieryz Demakratyčnaj partyi ŭ stalicy krainy Vašynhtonie.
Hetyja prajmieryz majuć tolki farmalnaje značeńnie — Klintan jašče na minułym tydni nabrała nieabchodnuju kolkaść delehataŭ dla vyłučeńnia kandydatam u prezidenty ad Demakratyčnaj partyi na nacyjanalnym źjeździe.
Kandydaturu Chiłary Klintan padtrymaŭ ciapierašni prezident Barak Abama.
Łahier Klintan spadziavaŭsia, što paśla prajmieryz u Vašynhtonie jaje supiernik, sienatar Bierni Sanders, pryznaje parazu, adnak pavodle ludziej ź jaho atačeńnia, jon admaŭlajecca spynić baraćbu da źjezdu demakrataŭ, jaki projdzie 25-28 lipienia ŭ Fiładelfii.
Adzinym mahčymym kandydatam u prezidenty ad Respublikanskaj partyi zastaŭsia miljarder Donald Tramp
