Kamisija spartsmienaŭ pry Alimpijskim kamitecie Rasii źviarnułasia z adkrytym listom da prezidenta Mižnarodnaha alimpijskaha kamiteta (MAK) Tomasa Bacha ad imia spartoŭcaŭ, nie zamiašanych va ŭžyvańni dopinhu.
Aŭtary lista prosiać kiraŭnika MAK dazvolić spartsmienam,iakija nie ŭžyvali dopinh, udzielničać u Alimpijadzie ŭ Rya-de-Žajniejra.
«Prava luboha atleta, jaki nikoli nie parušaŭ nijakich isnujučych praviłaŭ, vystupać na Alimpijskich hulniach, — nieparušna. I my ad usiaho serca prosim Vašaj padtrymki ŭ zachavańni hetaha prava», — havorycca ŭ zvarocie.
Členy rasijskaj alimpijskaj zbornaj pa lohkaj atletycy, padkreślivajecca ŭ liście, nie majuć dačynieńnia da dopinhavaha skandału.
«Rasijskija lohkaatlety, jakija pretendujuć na ŭdzieł u Hulniach u Rya prachodziać jak minimum try dadatkovyja niezaležnyja antydopinhavyja testy, kamanda znachodzicca pad pastajannym kantrolem z boku mižnarodnych antydopinhavych instancyj, da alimpijskaha adboru nie dapuščany ŭsie, chto kali-niebudź mieŭ dopinhavuju historyju», — havorycca ŭ zvarocie.
