Alaksandr Łukašenka čakaje ad Minabłvykankama vyrašeńnia šeraha prablemnych pytańniaŭ z raźvićciom infrastruktury ŭ ahraharadkach pablizu Minska. Ab hetym kiraŭnik dziaržavy zajaviŭ siońnia, prymajučy z dakładam staršyniu Minskaha abłasnoha vykanaŭčaha kamiteta Siamiona Šapiru.
«Budaŭnictva ŭ ahraharadkach, pierš za ŭsio zastarełaja prablema Kałodziščaŭ - abaznačyŭ kiraŭnik dziaržavy adno z prablemnych pytańniaŭ. - Kałodziščy treba pryvodzić u paradak. Pierśpiektyŭnaje miesca, ludzi tam budujucca, chočuć tam žyć. Dy i ŭ luboj siońnia vioscy ŭ Minskim rajonie i nie tolki idzie budaŭnictva. Treba navodzić paradak, pradastaŭlać ludziam učastki. Niachaj budujucca, układvajuć svaje srodki».
Siamion Šapira paviedamiŭ prezidentu ab vykanańni daručeńniaŭ pa naviadzieńni paradku vakoł Minska. «Kałodziščy čakajuć surjoznaha ramontu. Tam pražyvajuć bolš za 16 tys. čałaviek. My zaviaršajem ciapier Baraŭlany, napieradzie jašče rabota pa naviadzieńni paradku ŭ Samachvałavičach, Hatavie, Michanavičach», - skazaŭ hubiernatar.
Pavodle jaho słoŭ, u vyniku chutkaha raźvićcia budaŭnictva ŭ Minskim rajonie ŭźnikła adstavańnie ŭ pytańni stvareńnia nieabchodnaj infrastruktury dla zručnaha žyćcia ludziej, u tym liku daroh, vadavodaŭ. «Tam jość peŭny pieralik prablem, jakija nieabchodna vyrašyć. Hałoŭnaje - adšukać finansavyja srodki. Varyjanty vyrašeńnia hetaha pytańnia namiečany. Dumaju, my zrušymsia tut ź miesca», - dadaŭ Siamion Šapira.
