Bolš za 100 nasielenych punktaŭ Minskaj vobłaści zastajucca biez elektrazabieśpiačeńnia paśla ŭčarašniaj navalnicy, paviedamili ŭ Minskim AUMNS.
U vyniku prachodžańnia navalničnaha frontu zafiksavana adklučeńnie elektrazabieśpiačeńnia ŭ 13 rajonach Minskaj vobłaści: Barysaŭskim, Vilejskim, Dziaržynskim, Kapylskim, Łahojskim, Minskim, Maładziečanskim, Miadzielskim, Puchavickim, Smalavickim, Salihorskim, Uździenskim, Červieńskim. Było parušana elektrazabieśpiačeńnie ŭ 281 nasielenym punkcie, 19 małočna-tavarnych fiermach.
Pavodle apieratyŭnych dadzienych na 6.00 18 červienia, biez elektrazabieśpiačeńnia zastavalisia 108 nasielenych punktaŭ: u Vilejskim (3), Dziaržynskim (2), Kapylskim (4), Łahojskim (7), Minskam (1), Maładziečanskim (4), Miadzielskim (12), Puchavickim (10), Uździenskim (60), Červieńskim (5) rajonach.
Za dziažurnyja sutki ŭ Minskaj vobłaści zarehistravanyja 8 pažaraŭ (u Kleckim, Łahojskim, Lubanskim (2), Minskam (3) rajonach i Dziaržynsku). Na pažary ŭ Minskim rajonie paciarpieŭ 1 čałaviek.
U pryrodnych ekasistemach zarehistravanyja 2 zaharańni suchoj raślinnaści ŭ Lubanskim, Minskim rajonach.
