Pavodle abahulnienaj infarmacyi, u pieryjad z 17 červienia da 6.00 18 červienia na terytoryi krainy byli abiastočanyja 1046 nasielenych punktaŭ. Adklučeńni apieratyŭna likvidujucca avaryjnymi bryhadami. Pa stanie na 6.00 18 červienia, zastavaŭsia biez elektrazabieśpiačeńnia 131 nasieleny punkt, paviedamlaje MNS.
Z-za paryvaŭ vietru (da 26 m / s) 17 červienia paciarpieli Brest, Hrodna, Minsk i 38 nasielenych punktaŭ u 28 rajonach Bresckaj, Hrodzienskaj, Minskaj i Viciebskaj abłaściej. Paškodžanyja dachi 100 žyłych damoŭ, 3 abjekty sackultbytu, 1 vytvorčy i 71 sielskahaspadarčy budynak. Avaryjnyja bryhady viaduć adnaŭlenčyja raboty.
Učora ŭ 16.10 z pryčyny paryvaŭ vietru ŭ Minsku dreva ŭpała na piensijaniera, jaki špitalizavany. U 17.30 u vyniku padzieńnia lista šyfieru z dachu budynka ŭ Hrodnie atrymała traŭmu nahi žančyna i była špitalizavanaja.
U 21.04 ŭ v. Vaŭkałaty Dokšyckaha rajona Viciebskaj vobłaści paryŭ vietru pavaliŭ dreva na lehkavy aŭtamabil, jaki ruchaŭsia mima. Rabotniki MNS pravodzili pracy pa raśpiłoŭcy pavalenaha dreva i vymańni z aŭtamabila kiroŭcy (u miedycynskaj dapamozie jon nie maje patreby).
Zafiksavanyja 184 vypadki (Brest — 40, Hrodnie — 126, Minsk — 18) padzieńnia dreŭ, u vyniku jakich paškodžanyja 20 lehkavych aŭtamabilaŭ i aŭtobus u Breście. Rabotniki MNS i inšych arhanizacyj pravodzili raboty pa raśpiłoŭcy i ŭborcy pavalenych dreŭ.
Z pryčyny paryvaŭ vietru adbyłosia padzieńnie halin dreŭ (6 vypadkaŭ u roznych miescach) na čyhunačnyja šlachi ŭ Hrodzienskaj i Viciebskaj abłaściach. U vyniku była zatrymka ruchu (ad 9 chvilin da 2 hadzin) 7 pasažyrskich ciahnikoŭ.
17 červienia ŭ 18.45 pastupiła paviedamleńnie ab adklučeńni elektraenierhii na terytoryi AAT «Ahrakambinat Skidzielski» filijała «Skidzielskaja ptuškafabryka» ŭ Hrodzienskim rajonie. Dla zabieśpiačeńnia elektrazabieśpiačeńnia zadziejničalisia dyziel-hienieratary subjekta haspadarańnia. U 19.28 elektrazabieśpiačeńnie było adnoŭlenaje.
