Sabor pačaŭsia ź liturhii ŭ hałoŭnym sabory Iraklijona. Fota AFP
Niahledziačy na histaryčnuju značnaść hetaj padziei, pradstaŭniki čatyroch cerkvaŭ — Ruskaj, Antyjachijskaj, Hruzinskaj i Bałharskaj — nie prysutničajuć na Kryckim sabory, jak było zajaŭlena, jany niazhodnyja ź niekatorymi arhanizacyjnymi pytańniami i prajektami dakumientaŭ.
Pradstaŭniki Sierbskaj carkvy taksama zajaŭlali pra namier admovicca ad udziełu ŭ sabory, adnak u apošni momant pierahledzieli svajo rašeńnie.
Sabor pačaŭsia ŭ niadzielu, u Dzień Śviatoj Trojcy, ź liturhii ŭ hałoŭnym sabory Iraklijona.
Dla ŭdziełu ŭ sabory byli zaprošanyja pradstaŭniki 14 pravasłaŭnych cerkvaŭ, jakija majuć bolš za 300 młn viernikaŭ pa ŭsim śviecie.
Ahladalniki adznačajuć, što rašeńnie Ruskaj carkvy, z pastvaj kala 100 młn čałaviek, nie prysutničać na sabory na Krycie, demanstruje daŭnija razychodžańni, jakija isnujuć siarod pravasłaŭnych chryścijan.
Va Usiepravasłaŭnym sabory biaruć udzieł pradstaŭniki 10 pravasłaŭnych cerkvaŭ. Fota AFP
Nielha nie ŭličvać taksama i supiernictva pamiž patryjarcham Maskoŭskim Kiryłam i Kanstancinopalskim patryjarcham Varfałamiejem, jaki maje status Suśvietnaha i ličycca duchoŭnym lidaram pravasłaŭja, vystupaje ruchajučaj siłaj Usiepravasłaŭnaha sabora.
Padčas padrychtoŭki sabora vyjavilisia šmatlikija roznahałośsi pamiž pravasłaŭnymi cerkvami, adznačajuć kamientatary — ad płanu rassadki da pierśpiektyvy adnaŭleńnia suviaziaŭ z Vatykanam.
Maskva taksama aścierahajecca, što patryjarch Varfałamiej pryznaje niezaležnaść ad Maskoŭskaha patryjarchatu Ukrainskaj pravasłaŭnaj carkvy, tym samym, jak vykazałasia rasijskaja presa, padalje aleju ŭ tlejučy ahoń relihijnaj vajny.
U Maskoŭskim patryjarchacie admovu ad pajezdki na Kryt patłumačyli tym, što pry adsutnaści chacia b adnoj z 14 pamiesnych cerkvaŭ cabor hublaje status Usiepravasłaŭnaha, a jaho rašeńni nie źjaŭlajucca abaviazkovymi dla cerkvaŭ, što nie buduć pradstaŭlenyja na im.
Patryjarch Kirył raniej zajaviŭ, što razhladaje sustreču na Krycie jak važny krok pa pieraadoleńni ŭźnikłych roznahałośsiaŭ. Pavodle jaho słoŭ, hetaja sustreča «moža ŭnieści svoj układ u padrychtoŭku da taho Śviatoha i Vialikaha Sabora, jaki abjadnaje ŭsie biez vyklučeńnia Pamiesnyja aŭtakiefalnyja cerkvy».
Usiepravasłaŭny sabor budzie doŭžycca da 27 červienia.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)