Dla biełarusaŭ momant soncastajańnia pryjdziecca na 01:34 21 červienia — u hety čas Sonca budzie znachodzicca na maksimalnaj vuhłavoj adlehłaści ad niabiesnaha ekvatara. Hetaja noč stanie najkaraciejšaj u hodzie.
20 i 21 červienia vyšynia Sonca dla Minska składzie bolš za 59° - maksimalnaje značeńnie za ŭsio leta. Dzień 20 červienia stanie samym doŭhim u hodzie: ad uschodu da zachodu Sonca projdzie 16 hadzin 57 chvilin.
Cikava, što samaja karotkaja noč upieršyniu za doŭhi čas supadzie z poŭniaj. U hetym miesiacy pik poŭni vypaŭ na 14:03 20 červienia — usiaho na 11 hadzin raniej momantu soncastajańnia.