200 biełarusaŭ zmohuć atrymać šenhienskija vizy, kab patrapić na fiestyval biełaruskaj muzyki «Basovišča», što projdzie 22-23 lipienia ŭ miastečku Haradok niedaloka ad polska-biełaruskaj miažy.
Žadajučyja atrymać vizu pavinny da 24 červienia dasłać zajaŭku na poštu [email protected]. Asoby da 25-ci hadoŭ buduć vyzvalenyja ad konsulskaha zboru, astatnija zapłaciać tolki pałovu koštu — 30 jeŭra.
Da mejła treba dałučyć nastupnuju infarmacyju:
1. Imia i proźvišča
2. Data naradžeńnia
3. Adras
4. Kantaktny numar
5. Numar pašparta
6. Data vydačy i termin dziejańnia pašparta
Aproč taho, arhanizatary festu abjavili čarhovych udzielnikaŭ: da viadomych užo «Krambambuli» i sierbskaj kamandy Erik & the Worldly Savages dałučajucca Brutto, Dzieciuki, ich kalehi z Krakava Nańba, jakija hrajuć muzyku mižvajennaha pieryjadu, a taksama Navi. Zajaŭleny raniej Askiepak admoviŭsia ad udziełu ŭ feście z-za źmieny płanaŭ.
