Amierykanski pradziusar, scenaryst i režysior Džej Džej Abrams, viadomy hledaču pa filmach «Startrek: Adpłata» i «Zornyja vajny: Abudžeńnie Siły», maje namier źniać film pra apošnija dni žyćcia Majkła Džeksana.
Viadoma, što sieryjał stanie ekranizacyjaj knihi Tevisa Smajli «Pierš čym vy mianie asudzicie: Tryumf i trahiedyja apošnich dzion Majkła Džeksana», prodaž jakoj startavaŭ siońnia, 21 červienia. U knizie Smajli pasprabavaŭ raskazać pra ŭźloty i padzieńni śpievaka, pra baraćbu za žyćcio i stały cisk z bakoŭ.
Paviedamlajecca, što ŭ dadzieny momant kiraŭniki prajekta šukajuć telekanał, jaki b pahadziŭsia kupić sieryjał. Taksama pakul nieviadomy akciorski skład novaha sieryjała, adnak kiraŭniki śćviardžajuć, što hledačy zmohuć jaho ŭbačyć užo ŭ nastupnym hodzie.
