Niekalki biełaruskich bankaŭ ŭžo paviedamili svaim klijentam pra toje, dzie 1 lipienia jany zmohuć źniać novyja hrošy. Nahadajem, u pieršyja dni paśla denaminacyi banknoty biez nuloŭ płanujuć zahruzić u kožny treci bankamat. Da 1 kastryčnika 2016 hoda na novyja hrošy piarojduć usie biez vyklučeńnia bankamaty.
Samaj papularnaj kupiuraj u bankamatach budzie banknota ŭ 5 rubloŭ, fota Siarhieja Hudzilina
Śpisy bankamataŭ, u jakich možna źniać hrošy ŭzoru 2009 hoda (heta značyć, denaminavanyja) banki pavinny buduć publikavać na svaich sajtach i abnaŭlać ich režymie realnaha času.
Z novymi hrašyma bolš za ŭsich pašancuje klijentam Biełarusbanka (i bankaŭ-partnioraŭ).
«Pačynajučy z 01.07.2016 bankamaty AAT «ASB Biełarusbank» buduć vydavać hrašovuju najaŭnaść tolki uzoru 2009 hoda, - havorycca na sajcie banka. — Zahruzka ŭsich bankamataŭ banknotami ŭzoru 2009 hoda z abaviazkovaj zahruzkaj nazvanych pryład banknotami naminałam 5 rubloŭ budzie zabiaśpiečana da kanca dnia 1 lipienia 2016 hoda». Ale ŭ pieršuju čarhu zahruziać tyja pryłady, jakija karystajucca pavyšanym popytam u klijentaŭ.
Biełhazprambank pakul płanuje zahruzić novyja hrošy ŭ čatyry bankamaty: hałoŭny bank (h. Minsk, vuł. Prytyckaha, 60/2), Viciebskaja abłasnaja dyrekcyja (h. Viciebsk, pr-t Budaŭnikoŭ, 1H), Hrodzienskaja abłasnaja dyrekcyja (h. Hrodna, vuł. Horkaha, 60), Bresckaja abłasnaja dyrekcyja (h. Brest, vuł. Savieckaj Kanstytucyi, 15).
Priorbank tolki ŭ Minsku adviazie denaminavanyja kupiury ŭ 69 bankamataŭ. Poŭny śpis pa ŭsich haradach možna spampavać na sajcie banka. Taksama bank prosić klijentaŭ «nie stvarać ažyjataž i čarhu ŭ bankamaty, zahružanyja novymi kupiurami 1 lipienia 2016. Z časam usio pryłady buduć vydavać i prymać hrošy novaha ŭzoru».
Nie varta biehčy za kupiurami biez nuloŭ i adrazu paśla nastupleńnia 1 lipienia. Z 23.00 30 červienia i da ranicy 1 lipienia kartki i bankamaty ŭ krainie pracavać nie buduć.
Adznačym, što bankamaty nie mohuć adnačasova vydavać novyja i staryja hrošy. Maniety bankamaty nie buduć vydavać nikoli! Jak my ŭžo pisali, samaj papularnaj kupiuraj, jakuju buduć vydavać bankamaty, — 5 rubloŭ (ekvivalent ciapierašnich 50 tysiač). A voś samyja bujnyja novyja hrošy — 200 i 500 rubloŭ — možna budzie atrymać u banku tolki pa zamovie.
