Usiaho ŭ konkursie biaruć udzieł vykanaŭcy z 43 dziaržaŭ, jakija padzielenyja na try hrupy. Paŭfinały projduć 20 i 22 traŭnia, finał 24 traŭnia ŭ subotu.
Pa dziesiać najlepšych udzielnikaŭ z paŭfinałaŭ trapiać u finał, kudy biez papiaredniaha adboru dapuščany kraina-haspadar Sierbija, dy dziaržavy vialikaj čaćviorki: Niamieččyna, Francyja, Brytanija, Hišpanija.
Biełarus Rusłan Alachno vystupić u druhim paŭfinale (h.zn. u čaćvier), dzie taksama buduć vystupać pradstaŭniki Ałbanii, Baŭharyi, Vuhorščyny, Hruzii, Łatvii, Litvy, Iślandyi, Kipru, Makiedonii, Malty, Partuhalii, Turcyi, Charvatyi, Švajcaryi, Švecyi, Čechii, Ukrainy.
Pieršuju hrupu paŭfinalistaŭ skłali: Rasieja (Dzima Biłan), Čarnahoryja, Finlandyja, Hrecyja, Irlandyja, Polšča, Bośnija, Estonija, Małdova, Halandyja, Narviehija, Armienija, Belhija, San-Maryna, Azerbajdžan, Słavienija, Polšča.
Ukrainu na Eŭrabačańni pradstaŭlaje Ani Łorak ź pieśniaj «Shady Lady» («Lehkadumnaja panačka»), muzyku da jakoj napisaŭ Filip Kirkoraŭ.
Cikava, što sioleta Eŭrabačańnie prachodzić pavodle novych umovaŭ, i biełarusy mohuć hałasavać tolki ŭ čaćvier. Tamu jany nia zdolejuć prahałasavać, naprykład, za Rasieju, jakoj Biełaruś davała najvyšejšy bał.
Biełarusy – jak i lubaja inšaja kraina -- taksama nia mohuć hałasavać za pradstaŭnika svajoj dziaržavy.
Dla hałasavańnia treba zvanić na numar 8 810 101 03 XX (XX — numar upadabanaha vykanaŭcy). Košt telefanavańnia — 1 000 biełaruskich rubloŭ. Dla SMS-hałasavańnia (dastupnaje abanentam usich mabilnych aperataraŭ) nieabchodna adpraŭlać SMS-paviedamleńni z numaram upadabanaha vykanaŭcy (naprykład, 01, 02, 13 i h.d.) na numar 7708. Košt paviedamleńnia — 1 300 rubloŭ (z ulikam PDK).
***
0:05 Pozna ŭviečary ŭ aŭtorak vyznačylisia pieramožcy pieršaha paŭfinału:
Hrecyja, Rumynija, Bośnija, Finlandyja, Rasieja, Izrail, Azerbajdžan, Armienija, Polšča, Narvehija.
Pradstaŭnica Ukrainy Ani Łorak, fota ź jaje aficyjnaha sajtu |