Ministerstva zamiežnych spraŭ Ukrainy źviarnułasia z notaj, u jakoj vykazała zaniepakojenaść z nahody taho, što narodnamu deputatu Iharu Huziu nieabhruntavana zabaranili ŭjezd u Biełaruś.
Pra heta havorycca ŭ adkazie ź Ministerstva na zapyt Ihara Huzia.
«…Paviedamlajem, što ŭ Pasolstva Respubliki Biełaruś va Ukrainie była nakiravana nota, u jakoj vykazana zaniepakojenaść faktam nieabhruntavanaj zabarony ŭjezdu narodnaha deputata Ukrainy ŭ Biełaruś», — havorycca ŭ adkazie MZS.
Nahadajem, 25 krasavika Ihara Huzia spynili na punkcie propusku «Dolsk-Machro» i paviedamili, što pa zapycie Rasijskaj Fiederacyi Biełaruś zabaraniła jamu ŭjezd na svaju terytoryju. Lubyja dakumienty, jakija b paćviardžali heta, pradstaŭniki pahraničnaha viedamstva Biełarusi i KDB pakazać admovilisia.
Asnoŭnaj metaj pajezdki Ihara Huzia była sustreča ź siemjami biełaruskich dobraachvotnikaŭ, jakija ŭdzielničali ŭ vajnie z Rasijaj na baku Ukrainy, a ciapier padviarhajucca pieraśledu ŭ Biełarusi.
Adznačym, što Ihar Huź praciahvaje nastojvać na ŭviadzieńni va Ukrainie maratoryju na vydaču zamiežnych dobraachvotnikaŭ, jakija vajavali na baku Ukrainy, kali ich pieraśledujuć na radzimie.