U biblijatecy imia Majakoŭskaha ŭ Sankt-Pieciarburhu praviali pieratrusy supracoŭniki FSB sa słužby pa abaronie kanstytucyjnaha ładu i baraćbie z teraryzmam.
Pra heta paviedamiŭ telekanału «Doždž» u niadzielu, 26 červienia, namieśnik dyrektara biblijateki pa suviaziach z hramadskaściu Mikałaj Sałodnikaŭ, u dačynieńni da jakoha, pavodle jaho słoŭ, moža być zaviedzienaja sprava ab rastracie bujnoj sumy dziaržaŭnych srodkaŭ.
Pry pieratrusach, jakija prajšli 23 červienia, byli kanfiskavanyja častka techniki i dakumienty. Paśla Sałodnikava, pavodle jaho słoŭ, paprasili napisać zajavu ab zvalnieńni pa ŭłasnym žadańni. Jon źjaŭlajecca zasnavalnikam prajekta «Adkrytaja biblijateka», u ramkach jakoha prachodzić štomiesiačnaje dyskusijnaje mierapryjemstva «Dyjałohi».
«Dyjałohi» mohuć praciahnuć pracu za miažoj
Sałodnikaŭ paviedamiŭ, što prajekt bolš nie budzie prachodzić u biblijatecy Majakoŭskaha, patłumačyŭšy heta «niežadańniem i ciskam peŭnaha rodu słužbaŭ i struktur, jakija na praciahu ŭžo paŭtara hoda sprabujuć rastłumačyć, što mierapryjemstvy, jakija my pravodzim, vielmi niepažadanyja dla biblijateki i horada». Razam z tym Sałodnikaŭ nie vyklučyŭ, što «Dyjałohi» praciahnuć pracu za miažoj.
Publičnyja dyskusii pa aktualnych hramadska-palityčnych temach «Dyjałohi» prachodzili ŭ biblijatecy štomiesiac z 2014 hoda. U ich brali ŭdzieł dziejačy kultury, palitołahi i žurnalisty.
