Jak paviedamiła Ministerstva statystyki i analizu, asnoŭnymi handlovymi partniorami krainy ŭ studzieni—sakaviku 2008 hoda byli: Rasija — 49,4% ad usiaho ab\jomu tavaraabarotu, Niderłandy — 10,3%, Ukraina — 7,2%, Hiermanija — 4,7%, Polšča — 3,2%, Vialikabrytanija — 2,9%, Łatvija — 2,5%, Kitaj — 2%, Italija i Litva — pa 1,3%.
Eksprat tavaraŭ u Rasiju skłaŭ u hrašovym vyražeńni 2 młrd. 576,7 młn. dołaraŭ, što na 41,3% bolš, čym u studzieni—sakaviku 2007 hoda, impart z hetaj krainy — 5 młrd. 716 młn. (u 1,8 razu bolš).
U Niderłandy ekspartavana tavaraŭ na 1 młrd. 652 młn. dołaraŭ, ci 20,6% da ahulnaha ab\jomu ekspartu (u 2,5 razu bolš). U toj ža čas impart z hetaj krainy zajmaje 0,9% u ahulnym ab\jomie impartu — 76,2 młn. dołaraŭ (na 51% bolš).
Ab\jom ekspartu va Ukrainu za try miesiacy hetaha hoda dasiahnuŭ 757,4 młn. dołaraŭ (u 2,45 razu bolš), impartu ŭ Biełaruś — 449,2 młn. (na 49,9% bolš). Dola ekspartu ŭ ahulnym ab\jomie skłała 9,4%, impartu — 5,1%.
U Hiermaniju ekspartavana tavaraŭ na 291,8 młn. dołaraŭ (u 2,7 razu bolš), impartavana — 504,3 młn. (na 2,9% mienš). U Polšču ekspart skłaŭ 314,7 młn. (na 31,8% bolš), impart — 225,6 młn. (na 26,5% bolš). U Vialikabrytaniju ab\jom ekspartu skłaŭsia na ŭzroŭni 444,2 młn. dołaraŭ (u 1,8 razu bolš), impart — 50,2 młn. (na 32,4% bolš). Ab\jom ekspartu ŭ Kitaj skłaŭ 69,8 młn. (na 29,5% mienš), impartu — 270,9 młn. (na 80,1% bolš), u Łatviju — 388,8 młn. (na 76% bolš) i 30,8 młn. (na 9,6% mienš) adpaviedna. U Litvu ekspartavana tavaraŭ i pasłuh na 168,4 młn. dołaraŭ (na 41,8% bolš), impartavana — 42,4 młn. (na 12,4% bolš).
