 |
Biełaruskaja milicyja apranie novuju formu.
Užo zaraz 30 čałaviek ź mienskaj roty patrulna‑pastavoj słužby ŭ jakaści eksperymentu nosiać kašuli, kurtki j furažki novaha ŭzoru.
Raskazvaje Jonas Vasilkoŭ: Akramia novych kašul, milicyjanery nosiać eksperymentalnyja ŭzory furažak i kurtak. Madernizavany varyjant vierchniaha adzieńnia sa śviatłoadbivalnymi pałosami śpieradu i takim ža nadpisam «Milicyja» na śpinie. Akramia hetaha, novaja kurtka krychu ciamniejšaja za ciapierašniuju.
Novymi stanuć i milicejskija šaŭrony. Źjavicca šaŭron i na pravym rukavie. Na im pakul niama nijakich nadpisaŭ, ale planujecca, što tut budzie nazva milicejskaha padraździaleńnia.
Asnoŭnaje novaŭviadzieńnie moža zakranuć hałaŭnyja ŭbory. Staraja furažka značna ciažejšaja za novuju. Akołyšak vykanany ŭ vyhladzie śviatłoadbivalnaj pałasy, taksama dyzajnery źmianili kukardu i jaje miescaznachodžańnie na furažcy.
Novyja ŭzory adzieńnia ŭzvod budzie nasić da pierachodu na zimovuju formu. Kali za ŭvieś peryjad novaja forma projdzie tak zvany ekzamen znosam, nastupnym letam usia milicyja prymieryć novaje adzieńnie.
