U Tadžykistanie, pavodle padlikaŭ, žyvie kala 30% biednych
Azada Rachmon, dačka prezidenta Emamali Rachmona i kiraŭnik jaho vykanaŭčaha aparata, abaviazała čynoŭnikaŭ, biznesoŭcaŭ i musulmanskich śviataroŭ vypłacić «sadaka-fitr» — miłaścinu biednym hramadzianam krainy.
U śpiecyjalnym ukazie, padpisanym Azadoj Rachmon, adznačajecca, što dziaržsłužačyja, pradstaŭniki duchavienstva i pradprymalniki nie tolki pavinny akazać dapamohu małazabiaśpiečanym siemjam Tadžykistana, ale i dać spravazdaču pierad dziaržaŭnymi orhanami ab vykanańni daručeńnia.
Prakantralavać vykanańnie ŭkaza daručana kamitetu pa spravach relihii. Pa aficyjnych dadzienych, u Tadžykistanie naličvajecca 18 tysiač dziaržsłužačych i čatyry tysiačy imam-chacibaŭ.
Ideja abaviazać ludziej akazvać dapamohu małamajomasnym hramadzianam realizavana ŭ Tadžykistanie ŭpieršyniu. Raniej prezident Emamali Rachmon nieadnarazova zaklikaŭ zamožnych hramadzian krainy razdavać miłaścinu i akazvać dapamohu biednym žycharam, adnak hetyja zakliki nasili rekamiendacyjny charaktar.
Ciapier tadžykskija čynoŭniki, biźniesmieny i pradstaŭniki duchavienstva aficyjna pavinny rabić śviatočnyja dary ŭ honar zakančeńnia śviatoha miesiaca Ramadan i zaviaršeńnia postu, a taksama davać spravazdaču pra heta.