1 lipienia, na nastupnyja sutki paśla skasavańnia ŭ Rasii zabarony na prodaž turaŭ u Turcyju, hetaja kraina stała samaj papularnaj pa zapytach karystalnikaŭ na servisie «Jandieks.Putiešiestvija», jaki ahrehuje prapanovy ad turapierataraŭ.
Za try dni, z 29 červienia pa 1 lipienia, kolkaść zapytaŭ pa turach u Turcyju pavialičyłasia ŭ čatyry razy, raspaviali pradstaŭniki «Jandeksa». Adnačasova takija kirunki, jak Krym i Sočy, stali cikavić rasijan u try razy mienš. Takim čynam, ciapier kolkaść zapytaŭ pa Turcyi ŭ try razy pieravyšaje hety pakazčyk pa hałoŭnych rasijskim kurortach razam uziatych.
Za paŭdnia kolkaść prapanoŭ turapierataraŭ pa Turcyi ŭ «Jandieks.Putiešiestvija» vyrasła z 200 da 500 ź lišnim. U minułym letnim siezonie, da ŭviadzieńnia zabarony, ich było kala tysiačy.
Raniej prezident Rasii Uładzimir Pucin padpisaŭ ukaz ab źniaćci zabarony na prodaž turystyčnych puciovak u Turcyju. Jon byŭ uviedzieny paśla taho, jak u listapadzie 2015 hoda tureckimi vajennymi pablizu siryjska-tureckaj miažy byŭ źbity rasijski bambavik Su-24.
