Almanach sučasnaj biełaruskaj kultury «pARTisan» pryśviaciŭ śviežy numar (№31) pamiaci Hanny Volskaj — muzyčnaha pradziusara i siabry HA «BAŽ», jakaja zaŭčasna pajšła z žyćcia ŭ sakaviku.
Publikacyj ułasna pra Hannu ŭ časopisie niama, ale temaj numaru stała biełaruskaja rok-muzyka. Ź joj było ščylna źviazana i prafiesijnaje, i asabistaje žyćcio Hanny — jana była žonkaj kultavaha rok-muzyki Lavona Volskaha i pradziusarkaj šerahu muzyčnych prajektaŭ ź jaho ŭdziełam. Na vokładcy źmieščany frahmient fotazdymka Hanny i Lavona.
U numary «pARTisan» možna znajści publikacyi Źmitra Padbiarezskaha pra ŭźniknieńnie rok-muzyki ŭ BSSR, Alaksandra Pamidorava — pra rok-muzyku 1990-ch u Biełarusi, Inho Petca — pra dośvied ładžańnia kancertaŭ biełaruskich rokieraŭ u Hiermanii, intervju z Alaksandram Kulinkovičam, ź Vieranikaj Kruhłovaj, sa Stasam Pačobutam, uspaminy pra Vasiu Šuhaleja i Vovu Bankiera dy inšyja artykuły, a taksama bahata redkich archiŭnych fota.
Da padrychtoŭki numara spryčyniŭsia Instytut imia Hiote ŭ Minsku.
