Eks-ministr ekanamičnaha raźvićcia Rasii i siońniašni kiraŭnik Śbierbanka Hierman Href adkazaŭ na pytańnie karystalnika «Vkontaktie», u jakich valutach zachoŭvać źbieražeńni ŭ siońniašnich ekanamičnych umovach, piša rbc.ru.
rbc.ru
U košyku mohuć być dalary ZŠA, šviejcarskija franki, narviežskija krony i sinhapurskija dalary.
Vybar valuty, u jakuju možna układvać hrošy, zaležyć ad sumy źbieražeńniaŭ, kali havorka idzie pra 100 tys. rasijskich rubloŭ (h.zn kala 3 100 novych biełaruskich, abo 1 550 dalaraŭ), to ich lepš nie kanviertavać u zamiežnuju valutu.
«Ci zaležyć ad taho, kolki ŭ vas hrošaj i čym vy zajmajeciesia. Naohuł lepš za ŭsio hrošy mieć u ruchu, heta značyć nie pad paduškaj. Samy, viadoma, nadziejny sposab — heta depazity. U jakoj valucie — heta zaležyć ad taho, u jakoj valucie vy žyviacie. Kali vy žyviacie ŭ rublach i ŭ vas [jość] 100 tys. rasijskich rub., trymajcie ich u rublach. Nie treba vam chadzić ni ŭ jakuju valutu, bo, na moj pohlad, rasijski rubiel pakul maje tendencyju da ŭmacavańnia», — zajaviŭ Href.
A voś układvacca ŭ jeŭra Href ciapier nie raić.
«Kali vy majecie niejkuju častku vašych trataŭ u jeŭra, to, viadoma, treba mieć i jeŭra. Što da zachavańnia… Jeŭra siońnia dastatkova vałatylny, i los jeŭra, asabliva ŭ suviazi z Brexit, dosyć niapeŭny. Ja b skazaŭ tak, dla prafiesijnaha inviestara ciapier adkryłasia akno dla inviestavańnia, nieprafiesijnamu inviestaru ja b nie rekamiendavaŭ ni jeŭra, ni funty, — rastłumačyŭ prezident Śbierbanka.
Toje, jak mienavita ŭ najbližejšaj budučyni budzie mianiacca kurs rasijskaha rubla, Href prahnazavać admoviŭsia, patłumačyŭšy heta niaviedańniem taho, jakoj budzie cana na naftu. Adnak u vypadku ahulnaha palapšeńnia situacyi ŭ ekanomicy rubiel, pavodle jaho słoŭ, moža prykmietna ŭmacavacca.
