Fota grushevskogo5.com.
Pavodle infarmacyi Śledčaha kamiteta, 32-hadovaja žančyna šukała dziaŭčat jak sama, tak i z dapamohaj saŭdzielnikaŭ. Jana zdoleła ŭciahnuć u niezakonny biznes niekalki dziasiatkaŭ biełarusak.
Sama fihurantka spravy pačynała svaju karjeru mienavita jak prastytutka, a potym zaniałasia padboram novych kadraŭ.
Jana razmaŭlała ź dziaŭčatami praź interniet, pa telefonie i sustrakałasia asabista — abiacała im dobry zarobak. Zatym jana vyvoziła ŭ Maskvu novych putanaŭ, jakija žyli ŭ śpiecyjalna arandavanych kvaterach i addavali svajoj «haspadyni» 60% ad svajho zarobku.
Jaje dziejańni kvalifikavali jak zaniatki prastytucyjaj i stvareńnie ŭmovaŭ dla zaniatkaŭ prastytucyjaj (art.171 KK Biełarusi), a taksama ŭciahvańnie ŭ zaniatki prastytucyjaj (art. 171-1 KK).
Žančyna aktyŭna supracoŭničała sa śledstvam i da taho ž maje małaletniaje dzicia, tamu na čas razboru spravy ź jaje ŭziali tolki padpisku ab niavyjeździe.
