U Minsku adkryjuć navukova-papularny muziej z antyhravitacyjaj, płanietaryjem i łabiryntami. Płanujecca, što heta budzie najbujniejšy navukova-papularny muziej u krainie.
Płošča muzieja zojmie kala tysiačy kvadratnych mietraŭ, prastora budzie padzielenaja na tematyčnyja zony, dzie rastłumačać pryncypy dziejańnia akustyki, miechaniki, aeradynamiki i mahnietyzmu. U antyhravitacyjnym pakoi ŭ naviedvalnikaŭ budzie stvarać adčuvańnie, što jany padajuć i nie mohuć utrymać raŭnavahu, u muzyčnym možna budzie zhulać na arhanie z vadaściokavych trub, u łaziernym łabiryncie treba budzie dabracca z adnoj kropki ŭ inšuju, nie zakranuŭšy pramiani.
Nazyvacca jon budzie «Kvantum» i zojmie cokalny pavierch centra «Tytan», što la stancyi mietro Piatroŭščyna.
U adukacyjnym centry muzieja płaniecca pravodzić uroki dla dziaciej i darosłych, tam buduć ładzicca hurtki i kłub rabatatechniki, dzie možna budzie stvaryć ułasnaha drona.
Usiaho ŭ muziei budzie vystaŭlena kala 200 ekspanataŭ, amal usie ich možna budzie macać rukami. Miarkujecca, što ekspazicyi buduć cikavyja i dzieciam i darosłym. Adkryćcio płanujecca na kaniec leta — pačatak vosieni.
Kožny dzień u muziei źbirajucca pravodzić navukova-papularnyja prahramy.