Fota Polskaj mytnaj słužby.
Pieršy na hetym tydni kantrabandny hruz cyharet, znojdzieny 4 lipienia, akazaŭsia rekordnym. Polskija mytniki znajšli cyharety padčas ahladu hruzavoha ciahnika, jaki jechaŭ ź Biełarusi ŭ Polšču. Kantrabanda była zapakavanaja ŭ bolš jak siami kardonnych karobkach i schavanaja ŭ dvuch kantejnierach.
U chodzie pravierki było vyjaŭlena ŭsiaho 367 tys. pačkaŭ (7.340.000 št.), pavodle acenak, rynkavy košt ich pieravyšaje 4,8 miljona złotych (bolš za miljon dalaraŭ).
Fota Polskaj mytnaj słužby.
7 lipienia taksama ŭ Terespali była vyjaŭlenaja jašče adna bujnaja partyja nielehalnych cyharet, jakuju pierapraŭlali ź Biełarusi ŭ Polšču čyhunačnym transpartam — bolš za 60 tys. pačkaŭ cyharet koštam vyšej za 800 tys. złotych (kala $ 200 tys.). Na nielehalnyja cyharety polskija mytniki natknulisia ŭ adnym z kantejnieraŭ. Cyharety biez akcyznych marak byli zapakavanyja ŭ čornyja płastykavyja skrynki.
Polskaja mytnaja słužba abviaściła, što da vosieni na čyhunačnym pierachodzie ŭ Terespali pačnie dziejničać sučasny renthienaŭski aparat dla skanavańnia čyhunačnych vahonaŭ. Hety skanier zmoža praviarać adnačasova try čyhunačnyja kalei i stanie samym bujnym u Jeŭropie.
