Na hetym tydni ŭ Biełarusi čakajecca pa-letniamu haračaje i niaŭstojlivaje nadvorje z častymi navalničnymi daždžami, paviedamiła hałoŭny sinoptyk Hidramieta Śviatłana Rybakova.
U aŭtorak na bolšaj častcy krainy projduć karotkačasovyja daždžy roznaj intensiŭnaści, u asobnych rajonach prahrymiać navalnicy, jakija miescami buduć supravadžacca mocnym paryvistym vietram i hradam.
Tempieratura pavietra ŭnačy plus 16—21°S, dniom plus 23—29°S, u paŭdniovych rajonach pavietra prahrejecca da plus 30—34°S.
U sieradu nočču miescami, dniom pieravažna pa paŭnočna-zachodniaj pałovie krainy karotkačasovyja daždžy. U asobnych rajonach navalnicy i mocnyja daždžy, dniom pry navalnicach uzmacnieńnie vietru paryvami da 15—20 m/s, mahčymy hrad.
Tempieratura pavietra ŭnačy plus 14—20°S, pa poŭdni da plus 22°S; dniom plus 25—32°S, pa paŭdniovym uschodzie plus 33—36°S, u paŭnočna-zachodnich rajonach plus 19—24°S.
U čaćvier nočču miescami, dniom na bolšaj častcy terytoryi karotkačasovyja daždžy, u asobnych rajonach navalnicy, dniom miescami mocnyja daždžy. Tempieratura pavietra ŭnačy plus 12—19°S, dniom plus 19—26°S; pa paŭdniovym uschodzie nočču plus 20—22°S, dniom plus 27—34°S.
U piatnicu nočču pieravažna pa zachodniaj pałovie respubliki daždžy, u asobnych rajonach mocnyja daždžy. Dniom miescami karotkačasovyja daždžy.
U asobnych rajonach navalnicy. Tempieratura pavietra ŭnačy plus 15—22°S, dniom ad plus 16—20°S pa zachadzie da plus 30—34°S pa ŭschodzie.
