Zadańnie pa naroščvańni ekspartu na 2016 hod nie vykonvajecca, zajaviŭ ministr zamiežnych spraŭ Biełarusi Uładzimir Makiej 13 lipienia na rabočaj naradzie kiraŭnikoŭ biełaruskich dypłamatyčnych i konsulskich słužbaŭ z členami ŭrada.
«Adrazu adznaču, što dynamika pa eksparcie za piać miesiacaŭ 2016 hoda nie moža radavać — zadańnie na 2016 hod nie vykonvajecca», — skazaŭ jon.
Makiej paviedamiŭ, što za piać miesiacaŭ hetaha hoda pryrost biełaruskaha ekspartu ŭ fizičnych abjomach skłaŭ 2,2%, tady jak u vartasnych abjomach ekspart źniziŭsia na 19,2%. «Bolš za ŭsio prasieli pastaŭki nafty i naftapraduktaŭ, zvadkavanaha hazu i kalijnych uhnajeńniaŭ, vyrabaŭ ź lehavanaj stali. Biez uliku hetych pazicyj źnižeńnie ekspartu skłała 6,7%», — dadaŭ jon.
Ministr udakładniŭ, što na pačatak hoda hety pakazčyk byŭ roŭny 12%, i «ŭ apošnija try miesiacy ekspart na 60-70 młn. dołaraŭ pryrastaje».
Makiej paviedamiŭ, što za piać miesiacaŭ hetaha hoda zadańnie pa naroščvańni ekspartu vykanali 15 z 59 biełaruskich zamiežnych ustanoŭ.
