Pra heta načalnik hałoŭnaha ŭpraŭleńnia najaŭnaha hrašovaha zvarotu Nacyjanalnaha banka Biełarusi Siarhiej Hajko raspavioŭ telekanału ANT.
Fota vkurier.by.
«Za 14 dzion lipienia kala 40-45% naminalnaha šerahu 2000 hoda vyviedziena z abaračeńnia», — paviedamiŭ jon.
Pradstaŭnik Nacbanka taksama raspavioŭ, što lipień i žnivień stanuć asnoŭnymi miesiacami dla zboru «starych» hrošaj. Da denaminacyi ŭ krainie chadziła 600 miljonaŭ kupiur staroha ŭzoru. Da kanca hoda ŭsie ich zamieniać.
U Nacbanku miarkujuć, što ŭžo da kastryčnika hrašovyja znaki staroha ŭzoru praktyčna vyjduć z abaračeńnia.
Nahadajem, 1 lipienia ŭ Biełarusi pačałasia denaminacyja. Hrašyma staroha ŭzoru možna raźličvacca da 31 śniežnia 2016 hoda. Paśla hrošy možna budzie abmianiać u bankach i Nacbanku. Paśpieć zrabić heta treba budzie da 2022 hoda — dalej jany stanuć prosta suvienirami.