Videa, na jakim zachavany momant ataki na natoŭp u Nicy, źjaviłasia ŭ sietcy. Na kadrach bačna, jak hruzavik ruchajecca ŭ kirunku da prysutnych na nabiarežnaj ludziej, a zatym urazajecca ŭ natoŭp. Achviarami ataki stali nie mienš za 80 čałaviek.
Videa, źniataje vidavočcami ataki na Anhlijskaj nabiarežnaj u Nicy, źjaviłasia na servisie Youtube. Na kadrach, vierahodna źniatych z akna adnaho z damoŭ, vidać, jak bieły hruzavik ruchajecca pa nabiarežnaj u napramku natoŭpu ludziej, jakija śviatkujuć Dzień ŭziaćcia Bastylii.
Inšy rolik, taksama raźmieščany na Youtube, byŭ źniaty kimści ź ludziej, jakija znachodzilisia ŭ natoŭpie ŭ momant ataki. Na kadrach bačna, jak hruzavik urazajecca ŭ natoŭp i ludzi z krykami raźbiahajucca ŭ baki. Jašče na adnym videa, taksama źniatym źvierchu, pakazany ludzi, što ŭ panicy biahuć ŭzdoŭž nabiarežnaj, da miesca zdareńnia padjazdžajuć palicejskija aŭtamabili.
