Pra dziki vypadak u biełaruskim abłasnym centry paviedamlaje vydańnie «Mahiloŭskija viedamaści» sa spasyłkaj na Śledčy kamitet.
Ilustracyjnaje fota.
U subotu 16 lipienia, mahiloŭskija miedyki na «chutkaj» padabrali na vulicy pjanaha mužčynu, jaki lažaŭ tam z raźbitym tvaram.
U pryjomnym pakoi toj šakavaŭ daktaroŭ, jakija spravabavali akazać jamu dapamohu — mužčyna źniaŭ portki i pakazaŭ miedykam svoj pałavy orhan. Nieadekvatnyja pavodziny pacyjenta zmusili piersanał balnicy vyklikać milicyju.
Ale i tady mužčyna nie supakoiŭsia — jon praciahvaŭ bujanić, znoŭ źniaŭšy portki i pačaŭšy kidacca svaimi ž fiekalijami.
Ciapier u dačynieńni da rasiejca zaviedzienaja kryminalnaja sprava pa artykule «Chulihanstva».
Šalony pacyjent — hramadzianin Rasii, jaki pryjechaŭ u hości da svajoj niaviesty, ź jakoj mieŭsia pabracca šlubam 18 lipienia.
Ale viasielle daviadziecca adkłaści — ciapier hora-žanich znachodzicca pad vartaj.
