Padazravany vyrašyŭ prajścisia pa vioscy. Zdajecca, u hetym niama ničoha kryminalnaha, voś tolki hety špacyr jon rabiŭ aholenym. Mužčynu navat nie źbiantežyŭ toj fakt, što pa vulicy išli dzieci, jakija bačyli hetuju nieprystojnuju karcinu.
Jak rastłumačyŭ pieršy namieśnik načalnika Hrodzienskaha RAUS Aleh Karpuškin: «Padazravany nie maje schilnaści da ekshibicyjanizmu. U toj dzień jon raśpivaŭ śpirtnoje sa svajoj sužycielkaj. Jany hulali ŭ karty i, kab dadać cikavaści, vyrašyli zhulać na žadańnie. U mužčyny hulnia nie pajšła, a jaho sužycielka zachacieła, kab toj prahulaŭsia pa vioscy hołym. Tak padazravany i zrabiŭ».
Nichto ź vidavočcaŭ zdareńnia nie źviarnuŭsia ŭ pravaachoŭnyja orhany. Na złamyśnika ŭdałosia vyjści padčas rasśledavańnia inšaha złačynstva. Paśla pravierki infarmacyi apieratyŭniki zatrymali hramadzianina.
