Vypusk rasijskaj haziety «Komsomolskaja pravda» ŭ Tadžykistanie spynieny.
Šaryf Chamdampur, zasnavalnik i hałoŭny redaktar štotydniovika «Tačykiston», jaki na praciahu dziesiaci hadoŭ byŭ adkazny za vypusk rasijskaha vydańnia ŭ Tadžykistanie, 21 lipienia skazaŭ, što «heta źviazana z našymi pratestami da artykułu karespandenta «KP» Siarhieja Panamarova».
Siarhiej Panamaroŭ — aŭtar našumiełaha artykuła.
Panamaroŭ u svaim artykule «Tadžykistan: z savieckaha hibieńnia ŭ śvietłuju budučyniu», jaki jon apublikavaŭ paśla pajezdki ŭ Tadžykistan, nazvaŭ hetuju centralna-azijackuju krainu «krainaj Raŭšanaŭ i Džamšutaŭ». Artykuł pačynajecca z nastupnych radkoŭ: «U samalocie z Maskvy ŭ staražytny Chadžent… sa słavianskich tvaraŭ śviecić chiba što maja adzinaja fizijanomija. U astatnim sucelnyja Raŭšany i Džamšuty».
Šaryf Chamdampur skazaŭ, što hety artykuł abražaje tadžykski narod i nacyju, tamu «my pryniali rašeńnie spynić vydańnie hetaj haziety ŭ našaj krainie».
Na praciahu 10 hadoŭ u Tadžykistanie drukavalisia rasijskija vydańni «Komsomolskaja pravda» i «Arhumienty i fakty».
