Nadzieja Saŭčanka pierakananaja, što palityčnuju sistemu va Ukrainie možna źmianić tolki źvierchu. Pra heta deputat Viarchoŭnaj rady ad partyi «Baćkaŭščyna» zajaviła ŭ intervju DW.
Pry hetym jana nie vyklučyła isnavańnie pierachodnaha pieryjadu dyktatury. «Kab źmianić paŭnamoctvy prezidenta, strukturu krainy, zakony pierazapuścić, kab jany dziejničali dla ludziej, pieramahčy karupcyju — treba stać takim dyktataram, jaki trymaje ŭsio ŭ svaich rukach. Dla taho, kab viarnuć hetuju ŭładu narodu i zrabić tak, kab bolš nikoli ŭładu ŭ naroda nie zabrali», — adznačyła Saŭčanka.
Na pytańnie pra prezidenckija ambicyi Nadzieja Saŭčanka adkazała, što ličyć takoje raźvićcio padziej chutčej nieabchodnaściu. «Ja adkazvała, što nie chaču, ale ja adkazvała, što mahu. A ciapier ja, napeŭna, adkažu, što, chutčej za ŭsio, užo pavinna», — skazała jana.
