Sansłužba rekamiendavała palehčyć umovy pracy ŭ śpioku. Takaja infarmacyja raźmieščana na sajcie Minskaha haradskoha centra hihijeny i epidemijałohii.
Haračaje nadvorje, što ŭstalavałasia ŭ Biełarusi, moža pryvieści da paharšeńnia ŭmoŭ pracy pracujučych na adkrytaj miascovaści, u vytvorčych i hramadskich pamiaškańniach. Dla prafiłaktyki niespryjalnaha ŭździejańnia pavyšanaj tempieratury rekamiendujecca arhanizoŭvać pierapynki ŭ pracy, abstalavać dadatkovyja sistemy vientylacyi i kandycyjanavańnia pavietra, a taksama zabiaśpiečyć supracoŭnikaŭ śpiecyjalnym ablehčanym adzieńniem z bavoŭny.
U sansłužbie taksama nahadali ab zachavańni pitnoha režymu. Pić vadu varta časta i patrochu, kab padtrymlivać dobruju hidratacyju arhanizma. Pry tempieratury pavietra bolš za 30 hradusaŭ i vykanańni pracy siaredniaj ciažkaści patrabujecca vypivać nie mienš 0,5 ł vady ŭ hadzinu — prykładna adzin kubak kožnyja 20 chvilin. Dla kampiensacyi solaŭ i mikraelemientaŭ, što vydzialajucca z arhanizma z potam, rekamiendujecca ŭžyvańnie minieralnaj ščołačnaj vady, małočna-kisłych napojaŭ (abiastłuščanaje małako, małočnaja syrovatka), sokaŭ, vitaminizavanych napitkaŭ.
