Alaksandr Łukašenka niezadavoleny stanam asobnych kirunkaŭ dziejnaści Dziaržpahrankamiteta. Pra heta jon zajaviŭ siońnia na naradzie pa pytańniach dziejnaści orhanaŭ pamiežnaj słužby, pieradaje karespandent BiełTA.
Prezident adznačyŭ, što pa jaho daručeńni niadaŭna była praviedziena raptoŭnaja pravierka dziejnaści orhanaŭ pahransłužby i jaje vyniki źjavilisia pradmietam abmierkavańnia na naradzie.
«U mianie źjavilisia vyniki hetaj raptoŭnaj pravierki. Było niekalki mierkavańniaŭ. Treba razabracca. Kamu treba — padziakavać, kaho treba — pakarać. Ja nie staŭ heta rabić kułuarna. Razmova pavinna być pryncypovaj, my — ludzi vajennyja. Tym bolš niekatoryja fakty hetaj pravierki mianie surjozna naściarožvajuć», — skazaŭ Łukašenka.
Kiraŭnik dziaržavy adznačyŭ, što tolki ŭ biahučym hodzie na najvyšejšym uzroŭni da pytańniaŭ pamiežnaj biaśpieki źviartajucca ŭ treci raz.
«Heta aznačaje, što jość nie prosta naściarožanaść, a, skažu ščyra, hłybokaje niezadavalnieńnie stanam asobnych kirunkaŭ u dziejnaści Dziaržpahrankamiteta. Pakolki my — tranzitnaja kraina (miaža nabyvaje vielmi surjoznaje značeńnie), my admachnucca ad hetych pytańniaŭ nie možam».
«Pytańnie nie ŭ tym, kab adździačyć abo pakarać. Jano składajecca ŭ tym, kab paśla hetaha było lepš na miažy. A toje, što budzie lepš, ja ŭ hetym nie sumniavajusia. Skažu pa-mužčynsku: z vami ci biez vas (pytańnie tolki ŭ hetym), ale budzie lepš. My nie možam dazvolić sabie ŭtrymlivać takuju kolkaść pamiežnikaŭ i mieć prablemy», — dadaŭ Łukašenka.
