Adznačyli jaje pieršy raman «Hanitva» — fentezy, natchnionaje historyjaj Vialikaha Kniastva Litoŭskaha j Rečy Paspalitaj.
«Siaredzina XIX st. Lejtava — dziaržava, jakaja častkova achoplivaje terytoryju Prybałtyki — znachodzicca ŭ palityčna napružanym stanie. Miortvyja paŭstajuć z mahiłaŭ, žyvyja šukajuć supakoju, hodnyja mety apraŭdvajuć niahodnyja ŭčynki … Ale pakul harać jarkija zorki na iłbie Hanca, haryć i nadzieja ŭ vačach i dušach prostych umiručych», — havorycca ŭ anatacyi.
Svoj raman N. Rakicina pryśviaciła hierojam paŭstańnia 1831 h. Raman sioleta vyjšaŭ u ryskim vydaviectvie «Śniežny kom».
Eurocon — hałoŭny konkurs Eŭrapiejskaha tavarystva navukovaj fantastyki — pravodzicca z 1972. U roznyja časy, konkurs naviedvali ŭ jakaści hanarovych haścioŭ Robert Šekli, Rodžer Želazny j inšyja vydatnyja aŭtary.
«Hran‑Majstar Eŭropy» — samaja prestyžnaja ŭznaharoda na Eurocon, laŭreatami jakoj byŭ, naprykład, Hary Harysan — sioleta nie ŭručałasia. Pryz za lepšuju fantastyku atrymaŭ rasiejski piśmieńnik Alaksandar Hromaŭ.
 |
