Hrodzienskaja SŠ№32 i škoła z amierykanskaha Sakramienta (Kalifornija) buduć ščylna supracoŭničać u śfiery vykładańnia biełaruskaj movy. Pra heta paviedamiła namieśnik staršyni Hrodzienskaha harvykankama Zoja Kuleša.
Ab raźvićci supracoŭnictva pamiž navučalnymi ŭstanovami ŭ Biełarusi i ZŠA stała viadoma pa vynikach sustrečy z kiraŭnictvam Hrodzienskaha harvykankama dyrektara škoły z amierykanskaha horada Sakramenta - uradženki Biełarusi Łarysy Hančar.
Jana adznačyła, što siemji vychadcaŭ ź Biełarusi zacikaŭlenyja ŭ tym, kab ich dzieci viedali rodnuju movu.
«Impuls supracoŭnictvu nadaŭ vizit staršyni Hrodzienskaha harvykankama Miečysłava Hoja ŭ ZŠA. Jon naviedaŭ škołu, pieradaŭ navučalnaj ustanovie kamplekt padručnikaŭ na biełaruskaj movie. Siońnia i my, i pradstaŭniki škoły ŭ Sakramienta zacikaŭleny ŭ raźvićci supracoŭnictva ŭ hetym napramku», - adznačyła Zoja Kuleša.
