Ciešča prezidenta Formula One Management Bierni Ekłstoŭna vykradzienaja ŭ Brazilii, za jaje patrabujuć vykup u pamiery 28 młn funtaŭ (36,5 młn dalaraŭ).
Jak paviedamlajuć vydańni Veja i Globo, 67-hadovaja Aparesida Šunk była vykradzienaja z San-Paŭłu ŭ piatnicu nočču.
Pavodle dadzienych ŚMI, vykradalniki zapytali rekordnuju sumu za vyzvaleńnie žančyny, jany zapatrabavali vypłacić vykup u funtach sterlinhaŭ i padzialić hrošy na čatyry častki.
Vykradańnie ludziej było raspaŭsiudžanym zaniatkam kryminału ŭ Brazilii ŭ pačatku 2000-ch hadoŭ, adnak kolkaść takich złačynstvaŭ źniziłasia paśla taho, jak u palicyi było sfarmavanaje śpiecyjalnaje padraździaleńnie pa baraćbie z vykradańniami.
85-hadovy Bierni Ekłstoŭn ličycca adnym z samych bahatych i ŭpłyvovych ludziej u śviecie sportu, jaho majomaść aceńvajecca ŭ 3,1 młrd dalaraŭ.
Aparesida Šunk źjaŭlajecca maci 38-hadovaj Fabijan Fłozi, ź jakoj Ekłstoŭn abviančaŭsia ŭ 2012 hodzie.
Palicyja Brazilii i pradstaŭniki siamji Ekłstoŭna pakul nie davali kamientaroŭ z nahody vykradańnia.
