Imknučysia abaranić budučyniu svaich papuhajaŭ i kivi, ułady Novaj Ziełandyi vyrašyli źniščyć usich dzikich drapiežnikaŭ da 2050 hoda, paviedamlaje Gizmodo.
Źniščeńniu padlahajuć sotni tysiač pacukoŭ, aposumaŭ, tcharoŭ, harnastajaŭ, dzikich katoŭ i inšych škodnikaŭ. Usie hetyja žyvioły byli zaviezienyja ŭ Novuju Ziełandyju ź inšych terytoryj i štohod zabivajuć miljony miascovych ptušak.
Lisiny kuzu, adzin z asnoŭnych škodnikaŭ ŭ Novaj Ziełandyi. Fota: anastgal.livejournal.com
Na baraćbu z drapiežnikami płanujecca vydatkavać paradku 28 młn dalaraŭ, častka jakich pojdzie na raspracoŭku novych technałohij baraćby sa škodnikami — akramia tradycyjnych piestycydaŭ i płatoŭ.
Hetym zojmiecca kampanija Predator Free New Zealand Ltd, jakaja pastaviła svajoj metaj ździejśnić «navukovy praryŭ», vynikam čaho stanie vyniščeńnie ŭ krainie chacia b adnaho vidu drapiežnikaŭ da 2025 hoda.
Viadoma, takija miery mohuć padacca zališnie žorstkimi, ale da źjaŭleńnia jeŭrapiejcaŭ i maory (pryvieźli pacukoŭ i sabak) ekasistema Novaj Ziełandyi była bolš harmaničnaj i zbałansavanaj.
Ministr Novaj Ziełandyi pa pytańniach zachavańnia navakolnaha asiarodździa Mehi Bery adznačyła, što ŭnikalnyja žyvioły i raśliny źjaŭlajucca centralnym elemientam nacyjanalnaj identyčnaści novaziełandcaŭ.
Miljony hadoŭ pradstaŭniki miascovaj fauny evalucyjanavali ŭ śviecie, dzie nie było mlekakormiačych, i ŭ vyniku hetaha jany akazalisia nadzvyčaj uraźlivymi da pryšłych drapiežnikaŭ.
