Reuters.com
Pavodle jaho słoŭ, mirnyja žychary Alepa zmohuć pakinuć horad praz try humanitarnyja kalidory, jašče adzin kalidor budzie adkryty dla paŭstancaŭ i bajevikoŭ, jakija pažadajuć skłaści zbroju. U rajonach humanitarnych kalidoraŭ buduć adkryty punkty haračaha charčavańnia i akazańnia pieršaj miedycynskaj dapamohi.
Šajhu padkreśliŭ, što ŭ Alepa i jaho pryharadach skłałasia ciažkaja humanitarnaja abstanoŭka. Paviedamlajecca, što humanitarnaja apieracyja ŭ Alepa pravodzicca sumiesna ź siryjskim uradam pa daručeńni rasijskaha prezidenta.
Šajhu skazaŭ, što nieabchodna «ŭ adpaviednaści z daručeńniem prezidenta Rasijskaj Fiederacyi siońnia sumiesna ź siryjskim uradam prystupić da praviadzieńnia maštabnaj humanitarnaj apieracyi pa akazańni dapamohi mirnamu nasielnictvu horada Alepa».
«Chaču padkreślić, što na hety krok my idziem vyklučna ŭ metach harantavańnia biaśpieki žycharoŭ Alepa», — zajaviŭ Šajhu.
Na minułym tydni čatyry palavyja špitali ŭ Alepa i stancyja pieralivańnia kryvi padvierhlisia avijaŭdaru. Siarod zahinułych byli pacyjenty balnicy, dzieci i daktary, u tym liku adzin z apošnich jakija zastavalisia ŭ horadzie piedyjatraŭ, zajaviła hetaja arhanizacyja.
Apošnija čatyry hady Alepa, što byŭ raniej biznes-centram Siryi, faktyčna padzieleny na dźvie častki: zachodniuju kantraluje aficyjny Damask, uschodniuju — jaho praciŭniki.
Uradavyja vojski pry padtrymcy rasijskaj avijacyi ŭ apošnija tydni ŭzmacnili nacisk na svaich supiernikaŭ u Alepa i akružyli kantralavanyja tymi rajony horada, dzie ŭ vielmi ciažkich umovach zastajucca dziasiatki tysiač hramadzianskich žycharoŭ.
