Uralski akruhovy vyjazny vajenny sud prysudziŭ aficera 201-j rasijskaj bazy ŭ Tadžykistanie Ivana Ščarbakova da 12 hadoŭ turmy, pryznaŭšy jaho vinavatym u zabojstvie 22-hadovaj žycharki Dušanbe Šairy Džabiravaj.
Aficer Ivan Ščarbakoŭ asudžany pa častcy 1 artykuła 105 KK RF (zabojstva). Rasijski vajskoviec svaju vinu całkam pryznaŭ. Sudovy praces prachodziŭ na terytoryi rasijskaj vajskovaj bazy ŭ Dušanbe. U suviazi z charaktaram spravy jana słuchałasia ŭ zakrytym režymie biez udziełu ŚMI.
Zabojstva maładoj žančyny było ździejśniena ŭ noč na 5 listapada minułaha hoda. Cieła Šairy Džabiravaj sa śladami žorstkaha źbićcia znajšli ŭ skryncy na śmietniku niedaloka ad rasijskaj vajennaj bazy.
Rasśledavańniem spravy zajmałasia hrupa śledčych z Tadžykistana i Rasii sumiesna z kamandavańniem 201-j vajennaj bazy, dzie słužyŭ Ščarbakoŭ.
Zhodna z materyjałami kryminalnaj spravy, kanflikt pamiž Ivanam Ščarbakovym i Šairaj Džabiravaj paŭstaŭ z-za hrošaj. Zahinułaja pracavała ŭ adnym z načnych kłubaŭ Dušanbe i niaredka akazvała klijentam ustanovy intymnyja pasłuhi.
U noč zabojstva žančyna razam z rasijskim vajskoŭcam pryjechała ŭ raźmiaščeńnie vajennaha haradka. Pry praviercy dakumientaŭ na KPP jana nazvałasia jaho žonkaj.
Pa viersii śledstva, maładyja ludzi pasvarylisia: zahinułaja zapatrabavała hrošy zahadzia, a ŭ Ščarbakova ich nie akazałasia. Paśla słoŭnaj svarki adbyłasia bojka, padčas jakoj žančyna atrymała ciažkija cialesnyja paškodžańni.
Raniej rasijskaha aficera abvinavačvali taksama ŭ zhvałtavańni zahinułaj. Ale, jak zaklučyła sudmiedekśpiertyza, pamiž Ščarbakovym i Džabiravaj u noč zabojstva nie było intymnaj suviazi.
