Vybuch prahrymieŭ u bankietnaj zale «Łajła» u Machačkale, paciarpieli 23 čałavieki, piaciora atrymali ciažkija ranieńni, paviedamili ŭ pres-słužbie Ministerstva achovy zdaroŭja Dahiestana (RF).
«Pavodle apošnich dadzienych, 23 paciarpiełych, — udakładnili ŭ Ministerstvie achovy zdaroŭja. — Pry hetym 18 čałaviek znachodzicca ŭ balnicy, ź ich 5 u ciažkim stanie».
Vybuch adbyŭsia ŭ padvalnym pamiaškańni, paciarpiełyja — žančyny, jakija pracavali na kuchni. Na miescy vybuchu uzharańnia i pažaru niama. Pracujuć na miescy zdareńnia 54 čałavieki i 16 adzinak techniki, ad MNS Dahiestana — 26 čałaviek asabovaha składu i 7 adzinak techniki.
Pavodle dadzienych pres-słužby MNS Dahiestana, u 15.10 pa minskim časie ŭ apieratyŭnuju dziažurnuju źmienu Centra kiravańnia ŭ kryzisnych situacyjach Hałoŭnaha ŭpraŭleńnia MNS Rasii pa Respublicy Dahiestan pastupiła infarmacyja ab tym, što ŭ Machačkale ŭ bankietnaj zale «Łajła» adbyŭsia vybuch hazapavietranaj sumiesi.
