U Baranavickim rajonie ustaloŭvajuć abstaviny śmierci 16-hadovaj navučenki kaledža, paviedamili ŭ pres-słužbie UUS Bresckaha abłvykankama.
Trahiedyja adbyłasia ŭ noč na 31 lipienia ŭ vioscy Nižniaje Černichava. Cieła dziaŭčyny, jakoje visieła ŭ piatli, u dvary pryvatnaha domaŭładańnia ŭ 4 hadziny ranicy znajšła maci. Pavodle papiaredniaj viersii, dziaŭčyna skončyła žyćcio samahubstvam.
Viadoma, što z troch hadoŭ dziaŭčyna žyła z pryjomnymi baćkami. Uzajemaadnosiny ŭ siamji, u jakoj jość jašče dvoje dziaciej, byli dobrymi.
Dziaŭčyna nibyta zachaplałasia mistyčnaj litaraturaj i adpaviednymi teleprahrami. Napiaredadni trahiedyi jana pasvaryłasia z chłopcam. U vieraśni joj pavinna było spoŭnicca 17 hadoŭ.
Pa fakcie śmierci Baranavicki mižrajonny adździeł Śledčaha kamiteta pravodzić pravierku.
