Na vychadnych u Biełarusi čakajecca ciopłaje, ale daždžlivaje nadvorje, paviedamiŭ u Facebook načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody Dźmitryj Rabaŭ.
«U piatnicu, 5 žniŭnia, umovy nadvorja na terytoryi krainy budzie vyznačać ciopłaja niaŭstojlivaja pavietranaja masa, jakaja pastupaje z paŭdniovaha zachadu Jeŭropy», — adznačyŭ Dźmitryj Rabaŭ. Miescami čakajucca karotkačasovyja daždžy i navalnicy. Nočču i ranicaj u asobnych rajonach mahčymy słaby tuman. Tempieratura pavietra nočču składzie ad 11 da 17 hradusaŭ ciapła. Dniom čakajecca 25-29 hradusaŭ, pa paŭdniovaj častcy krainy — 30-33 hradusy.
Karotkačasovyja daždžy, miescami navalnicy projduć nočču ŭ subotu, 6 žniŭnia, u krajnich zachodnich rajonach, dniom jany ŭžo čakajucca pa ŭsioj zachodniaj častcy Biełarusi. Taksama ŭ asobnych rajonach pry navalnicach prahnazujecca ŭzmacnieńnie vietru z paryvami da 15-18 m/s. Tempieratura pavietra nočču składzie 16-21 hradus. Dniom - ad 21 na zachadzie da 33 hradusaŭ na ŭschodzie krainy. «U hety dzień na bolšaj častcy Biełarusi nadvorje buduć vyznačać vielmi ciopłyja pavietranyja masy trapičnaha pachodžańnia, ranicaj i dniom na zachodniuju častku pieramieścicca frantalny raździeł z Karpat», — dadaŭ Dźmitryj Rabaŭ.
Pavodle jaho słoŭ, u kancy tydnia stanie chaładniej: kraina zastaniecca pad upłyvam frantalnaj sistemy, što źmiaščajecca va ŭschodnim napramku, dniom z akvatoryi Bałtyki pačnuć raspaŭsiudžvacca chaładnavatyja i niaŭstojlivyja pavietranyja masy. U niadzielu, 7 žniŭnia, na bolšaj častcy terytoryi Biełarusi čakajucca karotkačasovyja daždžy, miescami navalnicy. Tempieratura pavietra nočču składzie ad 12 da 19 hradusaŭ ciapła. Dniom prahnazujecca 18-25 hradusaŭ, pa Homielskaj vobłaści miescami da 27 hradusaŭ.
