Na sajcie National Institutes of Health źjaviłasia infarmacyja, što Ministerstva achovy zdaroŭja ZŠA płanuje źniać zabaronu na skryžoŭvańnie čałaviečych stvałavych kletak z embryjonami žyvioł.
Hetaja zabarona była ŭviedzienaja ŭ ZŠA minułaj vosieńniu. Ciapier ža ministerstva choča nie tolki dazvolić skryžoŭvańnie, ale i vyłučyć na heta materyjalnyja srodki ź dziaržaŭnaha biudžetu.
Ułady zajavili, što vyviedzienyja padobnym sposabam istoty dapamohuć ździejśnić vielizarny navukovy praryŭ. Heta pavinna dapamahčy ŭ stvareńni štučnych orhanaŭ i novych vidaŭ lekaŭ.
Adnak zabaronu zdymuć nie całkam. Naprykład, padsadžvać čałaviečyja stvałavyja kletki embryjonu žyvioły možna budzie tolki na pačatkovych etapach jaho raźvićcia. A taksama buduć zabaronienyja ekśpierymienty, jakija mohuć stvaryć žyviołu z čałaviečymi repraduktyŭnymi kletkami.
