Na treci dzień Alimpijskich hulniaŭ—2016 biełarusy vystupiać u dzieviaci vidach sportu, pryčym u čatyroch dyscyplinach siońnia buduć razyhranyja ŭznaharody.
Zoračkaj (*) adznačanyja spabornictvy, jakija pa biełaruskim časie pačnucca ŭ noč na nastupnyja sutki.
Stralba kulavaja
15.00 — Žančyny. Pnieŭmatyčny pistalet. 10 m. Kvalifikacyja
17.00 — Finał
Udzielnica piaci Alimpijad Viktoryja Čajka pa-raniejšamu zdolnaja prabicca ŭ finał i nie zhubicca ŭ vaśmiorcy najlepšych.
Himnastyka spartyŭnaja
15.45 Žančyny. Asabistaje i kamandnaje pieršynstvo. Kvalifikacyja. 1-ja źmiena
17.30 — 2-ja źmiena
20.30 — 3ia źmiena
23.30 — 4-ja źmiena
2.30* — 5-ja źmiena
Biełaruskaja amierykanka Kajli Dyksan upieršyniu ŭ karjery vystupić na spabornictvach takoha maštabu. Prabicca ŭ jaki-niebudź indyvidualny finał abo ŭ finał šmatborja joj moža dapamahčy tolki cud. Dyksan vystupić u 2-j źmienie.
Dziudo
16.00 — Mužčyny. 66 kh. Papiaredni raŭnd.
17.30 — 1/8 finału
18.20 — 1/4 finału
21.30 — Suciašalnyja dvuboi i 1/2 finału
22.40 — Za bronzu
23.20 - Finał
16.00 — Žančyny. 52 kh. papiaredni raŭnd
17.30 — 1/8 finału
18.20 — 1/4 finału
21.30 — Suciašalnyja dvuboi i 1/2 finału
22.40 — Za bronzu
23.20 — Finał
Dźmitryj Šeršań i Darja Skrypnik nie ŭvachodziać u lik favarytaŭ turniru. Tak što zadača ŭ ich nie ciažkaja: pakazać svajo najlepšaje dziudo i pastaracca prajści jak maha dalej. Skrypnik pačnie svoj šlach sutyčkaj ź niemkaj Marejen Krajech, a pieršy supiernik Šeršania — uźbiekistaniec Ryšod Sabiraŭ.
Viesłavańnie akademičnaje
18.00 — Mužčyny. Čaćviorka raspašnaja. Papiarednija zajezdy
16.10 — Žančyny. Dvojka raspašnaja. Papiarednija zajezdy
Vadzim Lalin, Dzianis Mihal, Ihar Paševič, Mikałaj Šarłap (čaćviorka raspašnaja), Ina Nikulina, Alena Furman (dvojka raspašnaja) pasprabujuć z chodu vyrašyć zadaču vychadu ŭ nastupny raŭnd. Choć dziaŭčatam zrabić heta budzie składaniej.
Viełašaša
Žančyny. Hrupavaja honka. 18.15.
Alonie Amialusik pa siłach trapić u vaśmiorku najmacniejšych u lubimym vidzie prahramy. U Łondanie-2012 biełaruska zaniała 15-je miesca ŭ hrupavoj honcy, adnak za čatyry hady kruh mocnych sapiernic pašyryŭsia. Sioleta ŭ Amialusik na rachunku adna pieramoha, tady jak letaś jana vyjhrała siem aficyjnych startaŭ.
Płavańnie
20.14 — Mužčyny. 100 m śpina. papiarednija zapłyvy
5.06* — 1/2 finału.
Mikita Cmyh i Viktar Stasiałovič (abodva — 100 m śpina) voźmuć udzieł u kvalifikacyjnych zapłyvach. Tolki pry ŭmovie vychadu na asabistyja rekordy ŭ biełarusaŭ jość šaniec trapić u paŭfinał.
Tenis nastolny
15.00, 19.30 Žančyny. Adzinočny razrad. druhi raŭnd
0.00* Treci raund
2.00* — Mužčyny. Adzinočny razrad. treci raŭnd
U druhim raŭndzie Alaksandra Pryvałava sustreniecca z Cu-ju Čen z Tajvania (15.00 pa biełaruskim časie), a Viktoryja Paŭłovič pazmahajecca z rasijankaj Palinaj Michajłavaj (u 19.30 pa biełaruskim časie). Adznačym, što prajści dalej šancy vyšej u Paŭłoavič.
U 2.00 z treciaha raŭnda ŭ baraćbu ŭstupić pasiejany na Hulniach pad siomym numaram Uładzimir Samsonaŭ. Jaho najbolš imavierny supiernik — Kryścijan Karłsan (20).
Boks
00.30* — Mužčyny. 69 kh. papiaredni raŭnd
1.15* — Mužčyny. 81 kh. papiaredni raŭnd
Pavieł Kastramin (69 kh) vyjdzie na rynh suprać tajłandca Sajłama Ardzi. Michaił Daŭhaleviec (81 kh) pazmahajecca ź italjancam Valancina Manfredonia. I toj, i druhi — supierniki padjomnyja. U abodvuch biełarusaŭ jość šancy prabicca ŭ 1/16 finału.
Baskietboł
1.45* — Žančyny. Hrupa «A». Francyja — Biełaruś
Zbornaja Francyi — vice-čempijon Jeŭropy i adna z najmocnych kamand Staroha Śvietu. Adnak jana nie asabliva ŭraziła na chatnim pieradalimpijskim turniry, dzie zavajavała pucioŭku na letnija Hulni, i hetaja akaličnaść pavinna dadać aptymizmu Anatolu Bujalskamu i jaho dziaŭčatam paśla kryŭdnaj parazy ad japonak.
Hrupa «A»: Aŭstralija — 2 ački (1 hulnia), Francyja — 2 (1), Japonija — 2 (1), Biełaruś — 1 (1), Turcyja — 1 (1), Brazilija — 1 (1).
